Ngayon nanaman ay Buwan ng Agosto. Maraming mga mag-aaral na
katulad ko at maging mga guro ang nagtatanong at nagreresearch kung ano ba ang
tema or "theme" ng Buwan ng Wika ngayong taong
kasalukuyan. Opisyal na
ipinasya ng Komisyon sa Wikang Filipino (KWF) noong Hunyo 14, 2018 na ang tema
(theme) ng Buwan ng Wika nitong taong 2018 ay "Filipino:
Wika ng Saliksik".
Bakit ito ang naging tema ng Buwan ng Wika ngayong
2018? Nais ng KWF na kilalanin ang wikang Filipino bilang midyum sa paglikha at
pagpapalaganap ng pambansang karunungan at kaunlaran. Sa pamamagaitan daw ng
temang ito, layon ng KWF na palaganapin ang wikang Filipino sa iba't ibang larangan
ng karunungan, lalo na sa agham at matematika.
Baka may iba diyan na nahihirapan sa pagkaintindi ng
salitang "saliksik" na ginamit sa tema. Ano ba ang
"saliksik"? Ang "saliksik" ay katumbas ng research sa
Ingles. Alam mo siguro ang mga salitang nagsasaliksik o pananaliksik? Saliksik
o "research", ibig sabihin nito ay matalik na paghahanap. Naghahanap
tayo ng sagot o mga sagot sa ating mga katanungan. Kaya tayo nagsasaliksik. Ang
akto ng paghahanap na ito ay tinatawag na "saliksik" Gusto
ng KWF na gamitin natin ang wikang Filipino sa pagsasaliksik natin ng
kaalaman.
Hindi lamang ang wikang ingles ang pwede nating
gamiting wika upang magsaliksik kundi maari rin ay sa wikang Filipino. Ang Wikang Filipino ay isa sa pinakatanyag na pagtukoy na
nakikiamot sa mga Pilipino ng oras ay ang pagdiriwang ng Buwan ng Wika tuwing
Agosto kada taon sa Pilipinas. Bakit kailangan pang ipaalala sa ating mga
Pilipino na ang ating wika ay Filipino/Pilipino? Ibig sabihin nito hindi pa
natin napagwawagian ang kaisahan at kaganapan ng wika na pilit ipinapaangkin sa
atin. Sa ibang bansa, hindi na kailangan ng pagdiriwang o pag-alala sa kanilang
mga wika, ganap at buong giting nila itong ginagamit sa pang-araw araw nilang
pamumuhay. Isang tanong na
una nating narinig noong tayo ay nasa elementarya pa lamang, marahil na ang iba
ay "Tagalog" ang isasagot ngunit sang-ayon sa 1987 Constitution
(Aticle XIV Section 6) Ang wikang pambansa ng Pilipinas ay Filipino.
Nagsimula ang
pagtawag sa Filipino na pambansang wika ng Pilipinas noong idineklara ang
Saligang Batas ng 1973. Ang paggamit ng salitang Filipino bilang pambansang
wika ng bansa ay nagmula sa salitang Pilipino na ayon sa Kauatusang
Pangkagawaran Blg. 7, s. 1959 ng Kagawaran ng Edukasyon at Kultura na tutukuyin
ang pambansang wika na Pilipino sa halip na Tagalog dahil ito ay isang hakbang
tungo sa pagsasabansa ng wika. Ngunit napalitan ito ng salitang
"Filipino" bilang pambansang wika dahil simbolikal ang paggamit ng
titik "F", isang hiram na titik sa mga Kastila, sa pangalan ng pambansang
wika dahil nangangahulugan ito ng lalong pagiging masaklaw ng wika.
Pinapahiwatig din ng Fiipino ang pambansang wika na hindi lamang nakabatay ang
pambansang wika sa Tagalog o sa iba pang wika at diyalekto sa bansa kundi
tumatanggap na rin ito ng ambag mula sa mga wikang pandaigdig na
nakaiimpluwensiya sa wika. Basta Lging tatandaan, Tatag ng Wikang Filipino, Lakas ng
Pagka-Pilipino.
References:
Image Links
What a nice research that made your post also nice!
ReplyDeleteThank you
DeleteGrabee! Nakapahusayyy
ReplyDeletethank you
DeleteThis comment has been removed by the author.
ReplyDeletethank you
DeleteThis comment has been removed by the author.
DeleteMahusay ang ginawa mong pagpapaliwanag tungkol sa tema ng Buwan ng Wika.
ReplyDeletemaraming salamat
Delete